Como complemento ao proxecto do Club de Ciencias, 12 de alumnos de 4º de ESO e 1º de Bacharelato participaron na fase galega da olimpíada de Xeoloxía na sede de Quiroga-San Clodio.
Aparte da experiencia da participación, na que resolveron cuestións relacionadas coa Xeoloxía, por exemplo, recoñecemento de rochas ou estruturas xeolóxicas; tiveron oportunidade de visitar instalacións do Xeoparque do Courel: o Museo do Xeoparque, a actividade de batero para a extracción de ouro, etc..
Como resultado, ademais do enriquecemento persoal do alumnado, obtivemos un 3º premio absoluto con Sunai Martínez, alumna de 1º de bacharelato, e o accésit ao mellor alumno de 4º de ESO en Pablo Gándara.
Debaixo pódense ver fotos do acontecemento e da recollida de premios.
